唔知係咪琴晚喺Yo park同阿傑同carol(生日快樂!!!!!)慶祝生日太興奮, 搞到琴晚訓得好差, 仲發左個恐怖夢....
話說爹娘同埋我唔知點解俾人追殺追到去澳門(激氣, 家姐竟然無份!!)哇，好緊張.....我地騎住電單車逃避殺手既追捕，但係阿爹不幸中槍倒地.......而我, 竟然係掛住逃番香港.....因為聽日係星期一, 要番工..........痴痴地
卡卡, 肥肥人話發呢啲夢係因為潛意識好想改變現狀喎....噢，唔通真係咁急切?!
留學時, 都跟朋友說香港人喜歡用ICQ, 不喜歡用msn, 他們問我為什麼, 答不上來, 事實上4-5年前香港絶大部分人都是icq 的用者...
回來後, 在日本和台灣朋友極力吹棒下開始用msn,與icq 雙管齊下, 卡卡卡, 最初都不是太投入......但自從cindi 傳給我第一個會動的ICON(錫啖先錫啖先果隻抵死熊貓), 加上公司log in不到正常的icq(只能用web icq)後..........情況便一發不可收拾了......中了毒般侵佔了我的生活.....一日不玩就會心緒不寧, 甚至神志不清....卡卡卡卡, ic蕉不幸被打入冷宮.....現在幾乎連log in no 都忘記了......icq list上的大多朋友移籍到msn了
(閱讀全文)琴晚同master同學食象徵今個學期完結既farewell dinner, 拍拍拍拍, 席間一位女同學A同我地分享左佢既愛情煩惱~ 佢個12月分左手(原因不詳)既ex-bf, 前兩個月同佢講自己有新既target, 問同學A點追好......但係唔知點解....正當同學A就嚟淡忘哂呢段情既時候, 又話想同番同學A一齊.....同學A唔知點算, 覺得好迷惘, 唔知自己應唔應該要番佢.......
語畢, 三個同學包括我,即刻大呼「唔要得!」搞到同枱既人士都為之一震!
唉吔, 果個男子似乎係搞唔掂果個對象, 就食住回頭草先, 想sip時間嘛....
不過旁觀者清, 如果我係當時人都好難講嘞
其實呢啲case真係屢見不鮮, 奸角亦唔一定係男子擔演, 正所謂「唔鍾意都sip住先, 好過無人喺身邊」......可能呢啲先至係現代人應有的戀愛態度.....嘿嘿, 原諒我係咁老土咯.....唉吔, 明知係無結果的, 做乜要誤人地幸福喎, 而且拖住拖住有違瀟灑原則....卡卡卡
唔知係咪除左單身情人節過得痛苦之外, 我都無乜感受過寂寞, 單身都可以自娛架嘛, 呢個世界除左愛情仲有好多嘢架嘛......始終覺得同個唔多鍾意既人一齊, 慘過無人喺身邊.....
但聽同學A的口氣, 似乎好有意思想回頭呢......唯有祝福佢咯, 唔試過又唔知結果係點既.....
PS. 正當我地興高采烈拍哂枱咁談論現時港男女問題時, 女皇高呼: 「我都未驚, 你地驚乜嘢呀?!」
係既係既.....
http://www.yomiuri.co.jp/national/news/20070413i108.htm
嗚嗚, kiosk面臨倒閉危機!!!!!!!!
留學打工時代, 是日比谷駅kiosk的常連客, 最喜歡在那裡買最愛的梅味糖(貪就腳)﹐當時迷上梅味糖的程度嚴重如吸毒。
但對上一次去東京的時候, 已經再找不到這口味的糖了, 很可惜。想不到kiosk也要倒閉了.....嗚嗚....
好耐無試過連放五日假咁爽了, 過咗hea而充實既五日, 仲同一日有兩個第一次，開心開心!!
第一次去濕地公園, 可能係節日假期既關係啦, 人多過動物....雀仲少過我樓下個公園.....啲小朋友wi嘩鬼叫的, 有啲把鬼既感覺!!
反而流浮山既海鮮保持水準, 值得一讚.....雖然食到撈撈出哂夜狼班....呵呵
第一次睇詹端文既演出---「萬世歌王」, 前一晚聽到家姐話好悶好難睇.....好擔心!
可能係期望太低, 睇完後既感覺又ok , 前半段係有啲不知所謂, 但後半段都有啲料到的....
亦幾歡喜「thousand mountain i walk alone」。但個人來說都係比較喜歡軟硬和黃子華式, 可能肢體、表情jokes不及言語上既jokes 咁討我歡喜啦!!!卡卡卡卡, 不過都好欣賞佢一個人做足三個鐘, 同埋佢對戲劇既熱誠!!!!拍拍拍拍
