怎會這樣.....呆了, 真的.....

雖說兩年來交雜不多.....就連一張單獨合照也沒有..... 

但如此突然, 真的接受不來.....是不是在香港工作太辛苦了? 

不知道說什麼好.....希望您安息.....

 この間お世話になりました。

部份xmas cake的生日活動照，未交相片者，得閒請聯絡本索子。
今年收到很多歡喜的禮物，袋都有兩個，有排揹咯，多謝多謝多謝~

昨晚跟中同繼續生日聚會，朋友最近因感情事心情不佳，水深火熱，於是就藉這次機會，讓她們盡情抒發~希望她們快點解開心結~原來感情的威力真的很強大，教人死心塌地，甚至徹底改變。

多謝拉我吃過飯、將會吃飯、去玩的好朋友、好同事，還有電話、sms、msn msg 賀牛一的好朋友、舅母、姨媽、表兄妹們，你們對我太好了, 陪我一起渡過xmas cake 之年，大感激!! ^3^

適逢昨日是徐步高和王力宏的正日生日, 可以免費去海洋公園(不知他們有沒有去呢?kakaka), 為了賺取那價值一百八十五大元的入場費, 我不惜狠狠地請AL, 呵呵, 天助我也, 天氣好到不得了之餘,更哂到跳舞, good! 可瘦身也~

我們正午時分浩浩蕩蕩到達久違了的海洋公園，本小姐興奮地將身份證一拋，一副生日大哂的表情向櫃位職員道:「唔該生日!」，成功換取到生日免費入場券。呵呵

自由行市道果然暢旺，園內大部份都是國內同胞，來自唐山的也有，拜讀唐山大地震的小女子，對他們自然肅然起敬!!! 呵呵，在沒有本地人競爭的情況下，始終是閒日去樂園比較快樂，很久沒有玩得如此暢快了!!

老實說，海洋公園的機動遊戲不及早前的環球嘉年華好反新鮮刺激，但我總覺得千奇百怪的海洋生物才是它真正的價值和賣點!!!咪話我悶蛋啦，海洋館、鯊魚館甚至新新地的水母館好有趣好好睇呢，比迪迪尼入面的來佬假老鼠鴨鴨好看多了，海洋公園，沒有童話中的城堡，卻樸實而親切。

為支持海洋保育運動，最後小女子還獲得一隻超可愛的水母公仔，現置於床上供奉。

貼住兩張先~

嘻嘻, 謝謝你的陪伴和富心思的禮物~歡喜歡喜~

天公巧妙地安排我和阿爹同一天生日, 於是晚上十時左右如常一家四口到了三上吃生日飯。呵呵，平靚正保持水準，吃飽飽後趕於12時前再切靚靚芒果生日蛋膠, 個半小時內狂吃兩餐, 很飽滯, 但笑聲笑聲, 滿載溫馨~

其實生日沒有什麼大不了, 人越大越不想過生日, 不過以生日為借口跟朋友聚聚也是不錯的,

好似前幾天大O組聚順道賀我牛一, 嘩, 竟然齊人, 認真俾面, 好耐沒有試過了(有一年吧?!) 好開心, 雖然好「火羅」地去唔成YO!PARK, 但殘舊的neway依然為我們帶來歡樂的一晚。

多謝車子的自家製蛋膠, 內外兼備呀!!多謝羅比的開心樂園, kakaka, 拜仁兄, 請別忘記你是六月份聚會的負責人!!!

星期日母親節一家人去了長洲遊玩，雖然一年總會去兩三次，但是吃吃喝喝依然很高興，可謂身心舒暢，最抵食的當然是海鮮啦, 記住你!「康記」!! 今次還有新發現，爽口彈牙的「長洲大魚蛋」卡卡, 真比拳頭還要大呢!

老姐七月便遠赴德國工作，家庭樂的機會越來越少了，有別離才會珍惜相聚的時間(很老套啦)，可幸的是我可以霸佔整間房，不錯不錯，嘿嘿!

第一式

人 = 吃 飯 + 睡 覺 + 工 作 + 玩
豬 = 吃 飯 + 睡 覺
人 = 豬 + 工 作 + 玩
人 - 玩 = 豬 + 工 作
結 論 ： 不 會 玩 的 人 ， 等 於 一 隻 會 工 作 的 豬 。

 第二式

 男 人 = 吃 飯 + 睡 覺 + 賺 錢
女 人 = 吃 飯 + 睡 覺 + 花 錢
男 人 + 女 人 = 吃 飯 + 睡 覺 + 賺 錢 + 吃 飯 + 睡 覺 + 花 錢
因 為 ： 賺 錢 + 花 錢 = 0
所 以 ： 男 人 + 女 人 = （ 吃 飯 + 睡 覺 ） + （ 吃 飯 + 睡 覺 ）
根 據 上 面 第 一 式 ： 豬 = 吃 飯 + 睡 覺
結 論 ： 男 人 + 女 人 = 兩 隻 豬

救命.....點揀? 多謝很多人給我不同的意見, 但我到答話的一刻, 仍未能找到答案!!!死~
唯有認真地把優缺list 出來.....

現時工作的優點:
1. 獨立自由
2. 可進俢(現在進行式)
3. 人工、假期、有freegoods等待遇較佳
4. 可接freelance、可教日文、教琴和發展其他興趣

缺點:
1. 沒有升遷機會
2. 老細唔睇我
3. 間竭性沉悶

第一次幫 shu uemura落舖做customer event, 感覺新鮮。
做嘢落舖之前上左去位於time square既office 開會, 唉, 大型化粧品牌喺呢啲地方先至夠體面架嘛....

面對突如其來的種種機會, 我有能力把握嗎?

感覺很難, 不容易應付.....我, 其實不是別人想像中那麼強~是個膽小鬼~

哼! 豁出去吧! 反正最後不行又拿我怎樣?!

老尖海旁

一個浪漫而危機四伏的拍拖聖地。

滿以為自己好醒的一對，一直成功逃避賣花人的追截，
誰不知有位賣花婆婆竟然咁絶, 一臉可憐道:「你做o下好心啦，阿婆都幾廿歲嘞，當做善事啦，我祝你地好運架，你去買六合彩啦，買啦，中左五萬蚊就可以一齊去旅行.....」

叮，就是這幾句說話，促使呢位好心人買下了十元兩支玫瑰花...哈哈哈哈, 當然十元事少，羊牯事大...嘿嘿嘿嘿...

原本不打算寫出來，但實在太深刻太可愛嘞，還要告訴你，雖然騎呢女沒有把花收下，但心底還是很欣賞你的好心地。卡卡卡卡，下次有什麼想要，我都可以照板煮碗嘞! yeah~

PS. 哇，老尖海旁果然多嘢睇， 無哂秘密， 琴晚又俾我見到啲嘢....小索子決定由今日開始, 要暗中徹查此事! 有趣有趣  kakakakaka

我既人生真係充滿住瘀事的.....葉小姐, 你可唔可以冷靜少少做嘢, 用o下大腦呢?!!!悶悶不樂也!!!

話說今日有人搵我做shu 既event interpreter (大約五個鐘), 我梗係話好啦, 當經驗又好,又可以識o下果邊啲人嘛。之前我又未試過freelance接呢類job的, 唔知個mkting price, 所以就諗住收千五蚊咁上下啦, 點知中間人同我講話, 叫我唔好收低過$250.....o下?!果一刻個心諗, 個市價原來咁低架咋咩?!是但啦, 跟住shu既負責人就打電話嚟, 佢問我幾多錢, 於是我就懶醒咁答左佢$400...................

佢聽到之後都呆左一呆....收線之後, 我冷靜少少諗一諗, 無可能咁平架喎....仲平過補習?! 無可能.....於是打番俾中間人, 問$250 其實係咪一個鐘既價錢.....點知真係....shit!!!!即刻打去扮蒙還價.....唉.......真係好豬呀我~~~~邊有人咁蠢架?!!!!!!!!有乜理由$400做五個鐘, 痴線....低智的.....好無地自容, 勁想搵洞埋咗自己......點解我成日都係咁「火羅」~~~

想搵人鬧o下自己啦, 點知電話又矛乜電, 好彩今晚約左小la子食飯,可以呻一呻~又俾佢知道我既「火羅」樹, 心情好番少少....