連股壇羊牯既我都會踄足股票界，我諗股市真係危危乎架嘞
本索子一向對數字都蒙查查，就算係自己辛苦賺番嚟既錢，都唔係好識管理，簡單來說嘛，係唔識理財咯~成日都因為咁樣俾阿娘痛斥~

唉吔，唔知點解一對住啲數字就頭痛，人地日日番工都會目及住個股市，我就連自己抽中咗邊幾隻都唔係好記得，寧願係咁refresh 個新玩意facebook都唔會打算睇吓股市行情~kakakak

其實抽新股就好似抽獎一樣，呵呵，雖然中之前又要拋磚，中咗之後又要俾錢，亦唔保證之後一定賺得番喎，但就係抽中奬果種快感，令人沉迷神往~~~哈哈哈哈哈，有人話，股票要喺適當既時候賣番出去，再買過第二隻先可以將啲錢滾大佢，但係我一直以來，都淨係齋買齋擺，睇怕我都係同發達呢兩個字無緣架嘞~kakakakak

卡卡，好耐之前有個人贈過我兩句，話我個人屬土，除咗老老土土之外，仲唔適合投資，適合踏十咁搵錢，唔通呢啲就係命?!嗚~

$_$

番工又多樣新玩意~
好耐之前已經不斷收到朋友SEND過來的加入邀請，當時還以為是有毒或是hi5那些無味網站~
最近喺車子、小LA子同埋老姐既大力推介下，我呢個背人終於鼓起勇氣試玩嘞~
一玩之下，乖乖不得了，實在好鬼過癮架喎，既可以將一啲石沉大海既朋友刮番出嚟，仲有啲你以為同佢已經斷絶來往既人，都會無啦啦浮番出嚟~哈哈，就算唔ADD 做朋友，都可以目及吓佢地既PAGE啲相呀咁，八卦一下~
個網站其實形式同friendster(從來無活躍過)有啲似，但係就多好多無聊嘢玩，多到好多都唔知做乜春春的，尤其是打怪獸類，實在唔知佢搞乜~kakaka

又要感激網上資源，呵呵，好多朋友番工都開住呢個嘢，成日透過facebook反吓包剪揼大戰，為繁忙而沉悶既工作增添一點趣味~

仲有一大好處就係無時無刻都有啲notification update住你個page，等你成日都心癮起，想click去refresh下個page，睇吓有冇人送禮物俾你呀、有冇人add你呀或者係有冇人poke你~(其實poke 係乜嘢意思?!好似有點pk咁既意)

嘿嘿，facebook咁多無聊嘢反，難怪會有沉迷facebook應求助呢啲咁既新聞啦!睇怕我都就嚟要求助架嘞~希望我唔會荒廢呢度啦~kakakaka

http://hk.news.yahoo.com/070911/12/2ffqr.html

小時候會隨著每年轉班或是課外活動，認識不同的朋友，但圈子始終只有同校的人。

從踏進大學門檻後，世界彷彿不同了，大學迎新營(Ocamp)教我們要不斷認識新朋友，擴闊我們的社交圈子(其實當時也不太清楚為什麼....)總之gathering這個字不斷在耳邊出現，一開始的時候真的感覺難以接受，但潛移默化....自己亦慢慢認同這價值觀(卡卡，真沒性格)，抱著遇上什麼人也嘗試跟他做朋友的心態，尤其是在日本的時候，更學得一身所謂的social手段，學曉說著不著邊際又或是一大堆無聊八卦，從不同的人身上學習，雖然是頗累人的，但奇妙的是不知不覺間明白到應如何看一個人、如何挑選朋友、那些人值得交往、怎樣的人會說著怎樣的話，如何與自己的channel全不相同的人溝通，哈哈，我想，(不計現在)學習人際關係就是在大學三年裡最大的得著，亦是「朋友」數量的顛峰。