好緊張，仲有唔夠十二小時就飛去大肉腸帝國。期待住每分鐘新鮮刺激既體驗!!
論盡既我出動哂父母撈撈嚟送機，人地唔知以為我係去留學...kakakakaka
鬼叫我係件「大雜扒」咩，難怪人咁擔心~
過去一星期小撈子去咗outward bound，仲out埋個手機去，搞到音訊全無。嗚嗚，天氣仲要咁鬼凍，又跳海又盛，實在叫人好擔心。希望一切無恙啦，嗚嗚，miss you sooo much ar baby~快啲見到你就好嘞，要check check你冇穿冇爛至安心上機啊~
不得不承認自己好NAIVE。
話說本索子已訂了飛機31號晚飛往歐洲樂土，昨日忽然受Finance的AGM和人事部MANAGER問我，可否出席30號廣州的STRATEGY MEETING STAY一晚，一聽之下已經想拒絶，當然拒絶也需要理由的，加上我是天生不懂SAY NO的人，想了好一陣子，硬著頭皮直接跟他們說由於我31號要飛，schedule很tight，加上要在假期前完成十幾天的工作，很有困難，AGM即時說NVM!
以為事件就此平息，誰不知老細今朝傳來電郵，問我能否跟他一起去，噢，我真的以為今舖劫數難逃，事實上我30, 31號沒有請假的，事實上我只是去旅行，事實上他是上司我是下屬，事實上我有能力在30號前把工作完成的...只是會把我攰死和趕死而已...因此，老細絶對有理由堅持的。
絶望之際，一眾不關事的負面情緒通通跑出來，人工加得少呀淨係俾豬頭骨我梗呀等等，明知不關事的，但就是要跑出來深化那不幸，把心頭的怨憤合理化。心想即使要去，也要讓老細知道我的難處，於是便藉電郵說出自己的難處，最後再補一句「如果你想我去，我都會努力跟你去的」
一招以退為進果然有效，老細確是人道和明白事理的人，我決定要買他一份大大的手信!
經過今次事件，發現自己很幼稚，完全不是做大事的人，正所謂人生不如意事十常一二，少少事便一哭二鬧三上吊，唉，難怪人人都把我當作小朋友看待。何時再長大呀?!
PS特別鳴謝各方好友既支援、安慰和分析，多謝多謝!
嘩，果頭倒數完，呢頭又倒數，一年話咁快又過去，等我都學人回顧下先!
2007年總括嚟講係開心既一年~
親人篇
最錫我既公公離開咗，雖然係唔開心，但見佢永遠脫離病魔，都唔係一件壞事，快樂回憶永記心中。
老姐好犀飛利，九月終於起行去咗德國loreal 分公司度做，嘩，番嚟之後應該會升價十倍，呵呵，希望佢會照住個妹~kakaka 不過唔好講咁多，月尾將會去探佢~嘻嘻~異常期待~
爹娘都健健康康，唔錯。老豆子啲飛爛屎就嚟多過我，厲害!
朋友篇
好似識少咗新朋友，哈哈，聯絡開既都係舊朋友添~算啦，一把年紀，無乜energy咯!
都係集中火力經營值得重視既友誼吧啦~
工作篇
年中試過身痕想轉工，但係原來讀書真係好困身，結果都係踎番喺生滋糖，唉，好悶呀))))))))))))))
希望2008年有番新既景象。唔知好彩定唔好彩，當我喺度大叫好悶之際，舊老細阿叻忽然猝逝，新老細上場，人品好好，但係做嘢方面都幾嚴謹，會直斥我既日文，哈哈，好春春多會開，令甩碌既次數倍增，不過都係果句，有嘢做至有進步!算係正職上既少少衝擊啦。
蝦! 最大既衝擊竟然係飛爛屎，今年飛爛屎既數量真係好驚人，仲有機會做event 同interview，好滿足~我真係一個好幸運既人!!!!
至於教書呢，已經開到進階四班嘞，不過由於呢三個月暫停，今年三月會重整旗鼓，仲會試開四級班，好驚!!!!未試過.....有啲爻底.....
興趣篇
呵呵，今年都算多嘗試，有得走入錄音室玩吓錄音，又有得夾吓band，嘻，希望來年有得登下台，正式咁夾吓band~
學業篇
上半年非常充實咁完成咗個實習，滿足。
下半年非常辛苦咁完成篇音聲文，頭痛。
愛情篇
終於有人要咯，自願做我出氣袋啦，puchipuchi啦，仲不時激活我個腦袋添，真係命都長幾年咯。四個字: 長命百歲。丫唔係，係幸福快樂至啱哇。卡卡卡，好，哂命適可而止。
新一年希望可以出多啲國，嚟緊有望初次踏足歐洲，cindi又可能結婚，呵呵，真係大把機會咯。唔知仲有冇機會番日本呢??嘻嘻
