情緒的反覆，連自己都覺得有點不知所措。

看似想通了，其實又不盡然

這，不是我的作風。

 得快點找回自我!

番咗工兩個幾月, 風平浪靜, 生活好似唔錯咁, 阿姐又好似幾好人, 除咗有時飄忽啲, 不過都好reasonable, 幾夾~

同我講咗兩件事, 即刻令我好忐忑不安, 心下一沉

第一件係, 早排我提過想學韓文, 阿姐贊成架喎

點知今日捉我入去就問我有冇興趣學英文, 不如學咗英文先...

嗚, 我啲英文有咁差咩?! 不過可能我既business eng 唔ok吧, 好啦, 學下都冇壞,

反正自己都好想上番堂~

但係第二件真係好嚇人

佢竟然問我有冇興趣轉team?!吓???

話visitor service 果邊有人想問我有冇興趣轉過去...但係係咩位, 做啲乜都唔知架喎

叫我考慮....我即刻o 咗咀....啱啱至話我過咗probation咋喎~

唉...個心即刻諗係咪我表現得唔好, 所以咁快就想調走我呢?

當初又話請好耐先請到既, 依家咁快又肯放棄我既? 嗚....

好驚....

跟住仲驚, 下午既時候阿姐忽然又走過嚟喎, 問我係咪好開心?!?!?!?  ^($!(%#(%

大佬, 點呀, 啫係點呀??????  開大定開細呀.......大人明示啦, 唔好玩我啲做細架啦